KUMBAKARNA

   
    Kumbakarna iku putrane Resi Wisrawa lan Dewi Sukesi sing nomer loro. Sedulure ana 3 yaiku : Sing barep Rahwana/Dasamuka, nomer loro Kumbakarna,Sarpa Kenaka wujud buta wadon sing ragil Gunawan Wibisana satriya sing bagus. Nalika lahir Kumbakarna wujude nggegirisi,  bayi sing wujude gedhe banget, kupinge gedhe amba kaya kwali (kumba), mula banjur di jenengi Kumbakarna sing tegese kuping kaya kwali.
     Amarga buta Kumbakarna gelem mangan manungsa. Supaya bisa ngilangake pakulinan ala mangan manungsa, dening eyange Begawan Sumali. Kumbakarna didhawuhi tapa suwene 50 taun, pangane mung banyu lan embun.
     Sawise 50 taun tapa, Bethara Guru paring kanugrahan bakal ngabulake kabeh panyuwune Kumbakarna, syarate panyuwun iku kudu sing becik, ora gawe cilakaning liyan.Kumbakarna duwe panyuwun supaya bisa nyuwara banter kaya gludug, lan netrane sumorot kaya cahyaning surya. Panyuwune di kabulke, malah dening Bethara Guru, Kumbakarna isih di paringi aji-aji werna 3 yaiku Aji Gelap Sakethi, dayane bisa nyuwara sing gawe giris atine mungsuh, Aji Gedhong Menga njalari kuwat mangan lan ngombe sing akeh banget, saengga awake kuwat sentosa. Aji Cirakalasupta, dayane bisa turu nganti 1000 tahun tanpa nglilir.
      Nalika ana perang antarane Dasamuka raja Ngalengka lan Rama, Kumbakarna tansah ngelingake supaya Sinta sing di colong Dasamuka di balekake marang garwane yaiku Rama. Nanging Dasamuka malah nesu lan ngala-ala Kumbakarna. Sarehne gela, atine, Kumbakarna banjur trima bali ing kasatriyane yaiku Pangleburgangsa, mateg aji Cirakalasupta mula dadi turu kepati.
     Sawise perang suwe, akeh senapati Ngalengka kang gugur. Ngalengka kurang senapati Kumbakarna di gugah supaya maju perang dadi senapati. Digugah nganggo swara ora bisa, di tumbak, di pedahang, di panah, ora tedhas senjata apa wae. Bareng di cepaki pangan sing enak-enak sing isih kebul-kebul, ambune nikmat, lan di jabut wulu cumbune (wulu ing jempol sikil) Kumbakarna lagi gelem tangi.
      Senajan ora gelem maju perang nanging di peksa dening Dasamuka lan dikdawa dadi manungsa sing ora ngerti males kebecikan. Jalaran wis kepenak urip ing Ngalengka, geneya Ngalengka di rusak mungsuh kok mung meneng wae. Sanalika Kumbakarna muntab atine. Banjur nganggo sandhangan sing sarwa putih maju perang. Ora bela Dasamuka nanging bela nuhoni anggone dadi satriya. Wekasane Kumbakarna gugur kataman Panah Guwawijaya senjatane Prabu Rama, tiwas ana ing peperangan nglungguhi kasatriyane, dadi satriya sing tansah bela negara.

                                                      (Jatirahayu, Mutyara Rinonce Hlm 129)

Tanggap Wacana Mapag Warsa Enggal 2012

Assalamu'alaikum wr.wb

     Kawula nuwun, Bapak-bapak, Ibu-ibu ingkang satuhu kinurmatan. Kadang mudha-mudhi ingkang tansah kula tresnani. Matur nuwun sange dhumateng juru pranata wicara ingkang sampun maringi wekdal dhumateng kula, supados nyaosi sambutan ing malem pengetan Mapag Warsa Enggal 1 Januari 2012.
     Saderengipun mangga kula lan panjenengan sami ngaturaken puja-puji dhumateng Gusti ingkang Maha Agung ingkang sampun paring taufiq saha hidayah, katitik kula panjenengan sami saged makempal wonten ing papan punika.
     Kula ngaturaken sugeng warsa enggal 1 Januari 2012 wanci jam 00.00, mangke kita sampun nilaraken tahun 2011 tumuju tahun 2012.
     Para rawuh kakung sumawana putri ingkang dahat kinurmatan. Kanthi gantosing tahun enggal ateges umur kula panjenengan sami tambah satunggal tahun, semanten ugi gunggunging umur ingkang sampun dipun wewaleraken dening Gusti Allah Swt. sampun kirang setunggal tahun.
     Salebeting setunggal tahun, kula panjenengan sami sampun nindakaken sadayaning tumindak ingkang sampun mboten saged kula panjenengan sami ewahi malih, sagedipun namung metani. Pundi tumindak ingkang sae lan pundi tumindak ingkeng awon. Kathi mawas dhiri sadaya tumindak punika kita saged nemtokaken, pundi tumindak wajib kula panjenengan sami tinuladha, lan pundhi tumindak ingkang kedah dipun tilaraken.
      Pengalaman lan kedadosan-kedadosan ingkang satunggal tahun kita tindakaken saged kapethik, lan tumindak ingkang utami kangge ningkataken pengabdian, saha tandang tandang tanduk ingkang ing bebrayan saha pinuji ing Pangeran.
       Bapak-bapak, Ibu-ibu saha para rawuh kakung sumawana putri ingkang dahat kinurmatan. Mbok bilih anggen kula sesrawungan kaliyan panjenengan sami kathah klenta-klentunipun. Awit kula namung titah sawantah ingkang mboten kantun nyandang kalepatan, kula namung saged nyuwun samodra pangaksami ingkang tanpa pepindhan.
       Pungkasaning atur, mangga-mangga sami nyenyuwun dhumateng Gusti Ingkang Maha Agung, mugi-mugi ing warsa ingkang badhe dhateng panjenegan sadaya dalah kula tansah pikantuk taufiq lan hidayah, santosa lahir batin.

Akhirulkalam wa billahi taufiq wal hisayah,
Wassalamu'alaikum wr.wb !

Goro-Goro Punakawan lan Surtikanthi






    Sore kui Petruk lan Bagong mulih sekolah lan mampir leren ing warung bakso "Yu Surtikanthi"

Petruk         :"Leren sipek Gong ayo jajan....!"
Bagong       :" Siap...! aku jak ket mau uwes ngelih..."
Petruk         :"Kapan koe ki lera ngelih......"
Surtikanthi  :"Koe ki sido do jajan ora to le.....!"
Bagong        :"Hla yo sido to Yu..,Aku pesen bakso..."
Petruk          :"Aku yo ho'o Yu...!"
Surtikanthi   :"Hla rak yo ngonow, ora mung do pradul wae..."
     Ora let sue Yu Surtikanthi uwes dadi le ngracik bakso lan banjur di pasrahake Bagong lan Petruk.
Surtikanthi   :"Mangga..."
Petruk          :"Nggih-nggih..."
Bagong        :"Yo Yu..matur suwun.."
Petruk          :"Wah jan enak tenan yo Gong baksone..."
Bagong        :"Ho'o yo...rasane pengen imbuh terus..."
Petruk          :"Duwitmu ki pirow Gong-Gong, sekolah sangoni sewu we kotor kok arep imbuh..."
Bagong        :"O....iyo..yo...,ngamong-ngomong pun suwe Yu jenengan nyade bakso ten riki...?"
Surtikanthi   :"Yo..uwes.."
Petruk          :"Hla wes pirang tahun Yu le bakul neng kene."
Surtikanthi   :"Ow...lagi mau esuk..."
Petruk           :"Hla dallah...gene lagi m,au esuk le dasar..."
         Wes sak untoro wektu Bagong lan Petruk jajan, lan sebanjure podo mbayar dhumateng Surtikanthi, nanging ujug-ujug Gareng teko...!
Surtikanthi   :"Eneng opo iki...eneng opo iki...teko-teko kok banjur muni-muni.."
Gareng         :"Kowe gawe bakso tok kek'i opow...? Kok wetengku mau esuk bar mangan langsung loro..."
Surtikanthi    :"Waduh..yo nyuwun pangapura...bakso nggonaku tak awetke nganggo FORMALIN.."
Petruk           :"Ee..hla dallah..semprul koe..! Hla wong kui obat dinggo ngawetke Malin Kundang kok tok dekek gon bakso.."
Bagong         :"Hla kok iso truk..?"
Petruk           :"Wo hla bocah ki rung tamat SD iki, FORMALIN ki basa manca yaiku FORMALIN=UNTUK MALIN utawa dinggo Malin.."
Bagong         :"Ow...nganow, sok neh nek ngawetke ora usah di FORMALIN Sur..Sur..,suk titipke neng wetengku wae rak awet dadi daging tur jelas ketero wujude....."
Gareng          :"Wo..hla bocah ki soyo kurang...."
Surtikanthi    :"Nggih-nggih kula nyuwun pangapura..."
Gareng          :"Sesok meneh nek gawe bakso ora nganggo FORMALIN utawa BORAKS..!"
Bagong          :"Opow...borok...bakso kok borokken,kepiye jek Reng..."
Petruk            :"BORAKS Gong udu borok..."
Gareng           :"Sok neh nganti kedenangan nganggo kongono meneh tak laporke Polisi koe,nek bakul ki yo sing jujur,nek ngonow kui bathi donyo rugi akhirat,nek koe le bakul jujur lan ora ngrugekke pelanggan,koe ora mung bathi donyo neng yo bathi akhirat..."
Surtikanthi      :"Nggih-nggih kul;a nyuwun agunging pangeksami..."
        Sebanjure kadadean mau Petruk,Gareng,lan Bagong langsung budal bali neng ngomahe sesarengan.

Gegarane wong akrami.............
Dudu bandha dudu rupa..................
Amung ati pawitane........
Luput pisan kena pisan............
Yen gampang luwih gampang...........
Yen angel, angel kalangkung..........
Ten kena tinumbas arta.........


Tembang macapat ini menggambarkan sebuah landasan/pegangan dalam berumah tangga/berkeluarga. "Gegarane wong akrami",dalam berumah tangga dasarnya bukan harta tapi juga bukan tampang saja "Dudu bandha dudu rupa" , namun hanya ati/rasa saling menyukai dasarnya "Amung ati pawitane",salah satu kali pasti teringat selamanya "luput pisan kena pisan",kalau mudah, mudah sekali "Yen gampang luwih gampang",kalau susah,susah sekali "Yen angel, angel kalangkung",dan semua itu tidak bisa di beli dengan uang/harta "Ten kena tinumbas arta".

Ojo turu sore kaki..........
Ono dewa ngangklang jagad..........
Nyangking bokor kencanane..........
Isine dongo tetulak........
Sandang klawan pangan..........
Yaiku bagiannipun...........
Wong melek sabar narimo............

       Tembang macapat ini menggambarkan sebuah nasihat kepada manusia agar jangan suka tidur sore hari,atau dalam orang jawa sering menyebutnya "Ojo turu nek pas surup".
Kapan waktu yang di sebut surup ? Yaitu, antara pukul 15.00-18.00 .
Mengapa pada waktu itu tidak boleh tidur ? Karena menurut tutur kata orang jawa bila kita tidur pada sore hari rejeki kita akan sulit di dapatkan karena menurut mitos, seperti tembang di atas "Ono dewa ngangklang jagad" yaitu ada dewa di atas bumi, "Nyangking bokor kencanane" membawa guci emas "Isine dongo tetulak"yang berisi do'a tulak balak dan tercukupinya sandang dan makanan "yaiku bagiannipun , wong melek sabar narimo" itulah bagian orang yang sabar & menerima ketetapan Tuhan Yang Maha Kuasa.
      Selain itu sore hari adalah waktu bergantinya alam,yaitu pergantian antara siang menjadi malam dan menurut mitos yang beredar, sore/surup adalah waktu bergantinya antara alam manusia dan alam ghaib(boleh percaya/tidak).Oleh sebab itu jangan bepergian sebelum maghrib akan banyak gangguan di jalan,tunggu sampai lepas maghrib.